Ұжымдағы  бірлескен  сенбілік

 

               Сенбілік – бұл тек тазалық шарасы ғана емес, қоғамдағы тәртіп пен бірліктің, еңбекке деген құрметтің көрінісі. Әсіресе, білім беру ұйымдарында өткізілетін сенбіліктер – балаларға үлгі көрсету, табиғатты аялау мен ұжымдық еңбекке баулудың тиімді жолы.

               №56 «Жұлдыз» бөбекжайында әр көктем мен күз мезгілінде дәстүрлі сенбілік жұмыстары ұйымдастырылады. Бұл іс-шараның мақсаты:

• Аула аумағын тазалау;
• Ағаштар мен гүлдерді күтіп-баптау;
• Қоқысты жинап, қайта өңдеуге сұрыптау;
• Балаларға табиғатқа қамқор болуды үйрету.

               Сенбілік кезінде тәрбиешілер, ата-аналар және техникалық қызметкерлер бірлесе еңбек етеді. Бұл өз кезегінде ұжымда ұйымшылдықты нығайтып, балаларға үлкен үлгі бола алады.

               Бүлдіршіндерге сенбілік жайлы арнайы түсіндіру жұмыстары жүргізіледі. «Таза аула – таза болашақ», «Қолыңмен емес – жүрегіңмен тазарт» сияқты ұрандармен экологиялық тәрбие күшейтіледі.

Бақшадағы төрт  мезгіл

               Табиғат – балалар үшін ең үлкен тәрбиеші. Балабақша ауласындағы табиғат бұрышы, гүлзарлар, ағаштар мен көкөніс егілген алаң – баланың жан дүниесін байытып, қоршаған ортамен етене танысуына жол ашады. Ал төрт мезгілді бақшада бақылау – баланың дүниетанымын дамытудың ең тиімді жолдарының бірі.

🌸 Көктем – тіршіліктің оянар шағы

Көктемде балалармен бірге табиғаттың жаңаруын бақылау – ерекше әсер береді.

• • Қар еріп, жер көктейді;
• • Ағаштар бүршік атады;
• • Құстар ұшып келеді, ұя салады.

Біз балалармен бірге құстарға ұя жасап, бақшаға гүл егіп, алғашқы еңбек әрекеттеріне қатысуға үйретеміз. Бұл балалардың табиғатқа деген сүйіспеншілігін арттырады.

               Жаз – еңбектің, бақылаудың қызған уақыты. Жаз – бақшадағы ең белсенді кезең.

• • Балалар бақшаны суарады, арам шөп жұлады;
• • Көкөніс пен гүлдердің өсуін бақылайды;
• • Табиғи өзгерістерді күнделікке белгілейді.

Жазда серуендер көбіне табиғатта өтеді, балалар көбелектерді, жәндіктерді бақылайды, зерттеу қызығушылығы артады.

               Күз – молшылық пен береке маусымы. Күзде біз балалармен бірге егін жинау науқанын өткіземіз.

• • Көкөніс, жеміс теріп, дәмін көру – балаға еңбек қуанышын сездіреді;
• • Ағаш жапырақтарының өзгерісін, ауа райының салқындауын түсіндіреміз;
• • Табиғи материалдармен қолөнер жұмыстарын ұйымдастырамыз.

Күзгі серуендер – балалардың қоршаған ортаны тануға деген қызығушылығын арттырады.

               Қыс – тыныштық пен бақылау кезеңі. Қыста табиғат ұйқыға кетеді. Бұл мезгілде балалармен:

• • Қардың қасиеттерін (еріп, қату) зерттейміз;
• • Құстарға жем шашамыз;
• • Ағаштардың жапырақсыз қалуын бақылаймыз.

Қысқы ойындар арқылы шынығу, денсаулықты сақтау, қармен ойнау арқылы тактильдік сезімді дамыту жұмыстары жүргізіледі.

               «Бақшадағы төрт мезгіл» – балалардың табиғатпен байланысын арттырып, бақылау, еңбек ету, қамқорлық көрсету қабілеттерін дамытатын тамаша тәрбие құралы.

               №56 «Жұлдыз» бөбекжайында бұл бағыттағы жұмыстар жүйелі түрде жүргізіледі. Табиғат бұрышында балалар жыл мезгілдерінің ерекшеліктерін біліп, өмірлік тәжірибе жинақтайды. Әр мезгіл – бала үшін жаңа білім, жаңа әсер, жаңа қуаныш көзі.

 

 

Жиһаздың кеңістікте дұрыс орналастырылуы мен эргономика

талаптарына сәйкестігі

               Мектепке дейінгі ұйымдарда эргономикалық шешімдер – балалардың денсаулығын, қауіпсіздігін, белсенділігін және зейінін сақтау үшін аса маңызды. Мұндай шешімдер педагогтер мен балалардың физиологиялық ерекшеліктерін ескеріп, жайлы әрі тиімді орта құруға бағытталған.

1. 1. Балалардың жас ерекшеліктеріне сай жиһаздар

• • Орындықтар мен үстелдердің биіктігі баланың бойына сәйкес болуы тиіс (ЕРЕЖЕ: баланың тізесі 90° бұрышта бүгілген, табаны толық еденде).
• • Жиһаздың бұрыштары доғал, қауіпсіз болуы керек.
• • Түстері тым ашық емес, көзге жайлы.

2. 2. Ойын және демалыс аймақтарын дұрыс ұйымдастыру

• • Ойын бұрыштары кең, қозғалысқа кедергі жасамайтындай заттық  дамытушы  орта  дұрыс  құрылып, тиісті  құзыреттілік  орталықтары    болуы керек.
• • Ұйымдастырылған  іс - әрекет және тынығу аймақтары бір-бірінен бөлек, бірақ қолжетімді орналасуы керек.
• • Кілемшелер мен жұмсақ төсеніштер – құлаудан қорғайды және жайлылық береді.

3. 3. Жарықтандырудың табиғи және жасанды үйлесімі

• • Табиғи жарық жеткілікті болуы қажет.
• • Жасанды жарық жұмсақ, көзге зиянсыз болуы керек (күндізгі жарық шамдары).
• • Жарықтың түсу бағыты балалардың көзіне немесе үстелге тікелей түспеуі тиіс.

4. 4. Педагогке арналған эргономикалық жағдайлар

• • Құзыреттілік  орталықтарын  өзгертіп  отыруға  ыңғайлы  қозғалмалы  жиһаздар.
• • Дұрыс ұйымдастырылған жұмыс аймағы (құжаттарға, құралдарға оңай қолжетімділік).

5. 5. Ауаның сапасы мен температура режимі

• • Үнемі желдетіліп тұратын бөлме (табиғи немесе жасанды жолмен).
• • Ылғалдылық деңгейі: 40–60% аралығында.
• • Температура: 20–22 °C (ойын), 18–20 °C (ұйқы кезінде).

6. 6. Түстік және акустикалық шешімдер

• • Бөлмедегі түс схемасы – тыныштандыратын, жылы және табиғи реңктер (мысалы, ашық көк, жасыл, сары).
• • Дыбысты сіңіретін материалдар қолдану (кілем, перде, қабырға панелі) – шуды азайтып, зейінді арттырады.

7. 7. Қозғалыс белсенділігіне арналған мүмкіндік

• • Кең бөлме – балалардың еркін қозғалуы мен дене белсенділігіне жағдай жасау.
• • Эргономикалық гимнастика мен сергіту жаттығулары – ұзақ отырудың алдын алады.

8. 8. Қол жуғыштар мен әжетхана құралдарының бейімделуі

• • Баланың бойына сай биіктікте орналасқан раковина мен унитаз.
• • Қолды құрғатуға арналған жеке сүлгілер немесе қағаз орамдар.
• • Сусабындар мен сабындар оңай қолжетімді, теріге қауіпсіз болуы тиіс.

9. 9. Заттарды сақтау жүйесі

• • Балалар ойыншықтарды өздері алып, қайта қоя алатындай биіктікте.
• • Ашық сақтау жүйелері – тәртіпке, дербестікке үйретеді.

10. 10. Іс – әрекет барысын ұйымдастыруда әртүрлі қалыпты қолдану

• • Балаларды тек үстелде ұзақ отырғызбау.
• • Ұйымдастырылған  іс – әрекетте отырып, тұрып, еденде отырып өткізу – дене мен ой белсенділігін теңестіреді.